મંગલમ્/હે જી તમે

હે જી તમે

---

卐

હે જી તમે
卐

---

હે જી તમે કંઈક દિલમાં જાણો જાદવરાય,
⁠કંઈક દિલમાં જાણો જાદવરાય;
⁠હમણાં વ્હાશે વાણું રે જી…
⁠તમે વારે નથી ચડતા, વારે નથી ચડતા,
⁠ભણેલું ભાણું ઠાલું રે જી…

હો…ધોળકામાં ધના ભગતને મળિયા (૨)
⁠એ રે ટાણામાં હરિ આવો રે જી…
વેળુ વાવીને વા’લે ઘઉં રે ઉગાડ્યા ભાઈ,
વેળુ વાવીને રે — હાં — ઘઉં રે ઉગાડ્યા ભાઈ,
શું રે બેઠેલું તારે નાણું અલખધણી (૨)…હમણાં૦

હો…જૂનાગઢમાં નરસિંહ મહેતાને મળિયા,
⁠એ રે ટાણામાં હરિ આવો રે જી…
કુંવરબાઈનું વાલે મામેરું પૂર્યું ભાઈ,
કુંવરબાઈનું રે હાં — મામેરું પૂર્યું ભાઈ,
શું રે બેઠેલું તારે નાણું અલખધણી (૨)⁠…હમણાં૦

હો…મેવાડમાં રાણી મીરાંને મળિયા,
⁠એ રે ટાણામાં હરિ આવો રે જી…
ઝેરના પ્યાલા વાલે અમૃત કીધા ભાઈ,
ઝેરના પ્યાલા રે — હાં — અમૃત કીધા ભાઈ,
શું રે બેઠેલું તારે નાણું અલખધણી (૨)…હમણાં૦