બાળ કાવ્ય સંપદા/કેવી મજા ! (૨)
Jump to navigation
Jump to search
કેવી મજા !
લેખક : રમણલાલ સોની
(1908-2006)
મા, હોઉં જો આભનો તારો તો તરવાની કેવી મજા !
મા, હોઉં જો નાવડી નાની તો ઝૂલવાની કેવી મજા !
મા, હોઉં જો વાછડી નાની તો ઠેકવાની કેવી મજા !
મા, હોઉં તારા ભાલની ટીલી તો ટીકવાની કેવી મજા !
મા, હોઉં જો દેવની ચલ્લી તો ચૂગવાની કેવી મજા !
મા, હોઉં વનફૂલની ડાળી તો મહેકવાની કેવી મજા !
મા, હોઉં, જો મોરલો નાનો તો નાચવાની કેવી મજા !
મા, હોઉં તારા કંઠની કંઠી તો ભેટવાની કેવી મજા !