મર્મર/આવી તો જૈશ ના
Jump to navigation
Jump to search
આવી તે જૈશ ના—
આવી તો જૈશ ના ચાલી
વસંત અલી આવી તો જૈશ ના ચાલી.
કુંજોને પંથ તારી વેણુ વગાડતી,
પાનીનો રંગ અંગઅંગે લગાડતી;
જોબનની લાલ લાલ પ્યાલી. –વસંત૦
જોયું મેં જાગી આજ વ્હેલી સવારમાં,
પ્હેલી મેં જોઈ તને ઊભેલી દ્વારમાં;
હાથ ધરી હેમની થાળી. –વસંત૦
તારો આનંદ મારે અંતર દે ઠાલવી,
મારાં આંસુમાં તારું કંકુ દે કાલવી;
હૈયામાં હૈયું દે ગાળી. –વસંત૦