મર્મર/શરદ સંવેદન

એવી શી મારી કસૂર?

શરદસંવેદન

શી ખીલી શરદની રાત્રિ!
{{gap|3em}]મલકાવે મુખ મૃદુગાત્રી;
ચઢી ચંદ્ર રહ્યો આકાશે
{{gap|3em}]સ્મરનો સલૂણો સહયાત્રી.

ખીલી રહ્યાં કુમુદ કાસારે
{{gap|3em}]ન્હાતું જગ જ્યોત્સ્નાધારે;
સૃષ્ટિ જાગી રહી સારી
{{gap|3em}]કો અણદીઠના અણસારે.

રમણીરાસની રસતાલી
{{gap|3em}]કંકણની રણક મતવાલી;
પીતાં ન ધરાતા પ્રાણો
{{gap|3em}]પ્રીતિની છલોછલ પ્યાલી.

મ્હેકી રહી મોહક ધરતી
{{gap|3em}]સુખનાં સંવનનો કરતી;
કો ફુલ્લ વદનના ચંદ્રે
{{gap|3em}]ચઢી અંતરસાગર ભરતી.