સાધુનું ગીત
માનવી, સાંભળી લે સાધુનું ગીત
ગીત રે — સાંભળી લે સાધુનું ગીત
જાણે જીવન નવનીત — સાંભળી લે સાધુનું ગીત.
નાખી નજર જ્યાં પહોંચે ન તારી,
બેસતો નિરાશ બની હિંમત હારી,
દૃષ્ટિ એ વ્યોમથી અતીત. — સાંભળી લે૦
ભરતી ને ઓટ તારા પ્રીતિના સાગરે,
આજે પૂજે છે કાલ ટાળે અનાદરે,
અચલા અબોલ એની રીત. — સાંભળી લે૦
પ્રીતની એ રીત તારી ટૂંકી વ્યાપારી,
તોળીને આપવું ને તોળી લેનારી,
પોતે મટવાની એની રીત. — સાંભળી લે૦
આપે જીવન પ્રભુ મૃત્યુ તું માગવો,
મૃત્યુના ફડકામાં જીવન તું ત્યાગતો.
મૃત્યુમાં જીવવાની રીત. — સાંભળી લે૦