મંગલમ્/મુજ દ્વારેથી

મુજ દ્વારેથી

મુજ દ્વારેથી ઓ પંખીડા, હસતે મુખડે જાજે (૨)
વિદાય ટાણે ઓ પંખીડા, ગીત મધુરાં ગાજે (૨)

પંખીના મેળાને આવે વિખરાવાની વેળા,
કોણ જાણે, ક્યારે પાછા સંગ મળીશું ભેળાં;
કાળ તણી એ ગત સમજીને ઉજ્જ્વળ પંથ જાજે (૨)
— મુજ દ્વારે૦

તું આવ્યાથી મારાં સૂનાં ઉપવન ગાજી ઊઠ્યાં,
હૈયા કેરી ડાળે ડાળે સુંદર ફૂલડાં ખીલ્યાં (૨)
યાદ તારીએ મુજને થાતાં, અંતર રડતું આજે (૨)
— મુજ દ્વારે૦

હસતાં આવી હસતાં જાવું એ જ કલા જીવનની,
બોલ્યું ચાલ્યું માફ જ કરજે વાણી થંભી જાતી;
સબસે ઊંચે પ્રેમ સગાઈ વાત કદી ના વિસરજે (૨)
— મુજ દ્વારે૦