બરફનાં પંખી/બારાંકી

બારાંકી

એકડો સવાર એક એકડો સવાર
સૂરજના મીંડાથી એકડો સવાર

છલક્યાં તળાવ બે છલક્યાં તળાવ
ચશ્માંની પાછળ કાંઈ છલક્યાં તળાવ

જંગલમાં જાય ત્રણ જંગલમાં જાય
કાળા પડછાયાઓ જંગલમાં જાય

હબસી ઊભા ચાર હબસી ઊભા
અંધારી શેરીમાં હબસી ઊભા

અટક્યા પવન પાંચ અટક્યા પવન
મડદાના નાક પાસે અટક્યા પવન

માણસ હતા, છ માણસ હતા
જીવતા લગી તો હજી માણસ હતા

આગિયા ઊડ્યા સાત આગિયા ઊડ્યા
હરિયાના ખેતરમાં આગિયા ઊડ્યા

જન્માષ્ટમી આજ જન્માષ્ટમી
ભરવાડને ઘેર આજ જન્માષ્ટમી

મહિના રહ્યા નવ મહિના રહ્યા
ખડિયાની છોકરીને મહિના રહ્યા

મસ્તક ફૂટ્યાં, દસ મસ્તક ફૂટ્યાં
અંતે બિચારાનાં મસ્તક ફૂટ્યાં
<div class="wst-center tiInherit " > ***

એકાદશી આજ એકાદશી

પંડિતને ઘેર આજ એકાદશી

ઈંડાં મૂક્યાં, બાર ઈંડાં મૂક્યાં.
ટાવરની મરઘીએ ઇંડાં મૂક્યાં

બગડી ઘડિયાળ એક બગડી ઘડિયાળ
બ્રાહ્મણના છોકરાની બગડી ઘડિયાળ.

<div class="wst-center tiInherit " > ***