કાવ્ય-આચમન શ્રેણી – સુરેશ દલાલ/તમે – અમે
Jump to navigation
Jump to search
૨૯. તમે-અમે
રાતદિવસનો રસ્તો વ્હાલમ નહીં તો ખૂટે કેમ?
તમે પ્રેમની વાતો કરજો : અમે કરીશું પ્રેમ.
તમે રેતી કે હથેલી ઉપર લખો તમારું નામ,
અમે એટલા ઘેલા, ઘાયલ : નહીં નામ કે ઠામ.
તમને તો કોઈ કારણ અમને નહીં બહાનાં નહીં વ્હેમ,
તમે પ્રેમની વાતો કરજો : અમે કરીશું પ્રેમ.
તમને વાદળ, ધુમ્મસ વહાલાં અમને ઊજળી રાત,
અમે તમારાં ચરણ ચૂમશું થઈને પારિજાત.
અહો આંખથી ગંગાયમુના વહે એમ ને એમ,
તમે પ્રેમની વાતો કરજો : અમે કરીશું પ્રેમ.
<div class="wst-center tiInherit " Lua error: Cannot create process: proc_open(/dev/null): Failed to open stream: Operation not permitted> સપ્ટેમ્બર ૧૯૭૧ (કાવ્યસૃષ્ટિ, પૃ. ૨૪૪)