કાવ્ય-આચમન શ્રેણી – અમૃત ઘાયલ/સૂરજ
Jump to navigation
Jump to search
૫૦ સૂરજ
અંધારે અકળાય છે સૂરજ
રાતો પીળો થાય છે સૂરજ
બીજ મહીં બંધાય છે સૂરજ
વૃક્ષોમાં અટવાય છે સૂરજ
કિરણોથી ત્રોફાય છે સૂરજ
કણ કણ થઈ વેરાય છે સૂરજ
દિવસે શું રાતે અંધારે,
આંખ આગળ દેખાય છે સૂરજ
પાણીમાં પ્રતિબિંબ નિહાળી
મૂછ મહીં મલકાય છે સૂરજ
સ્પર્શી રહી છે વાયુ લહર તો
ઓછો ઓછો થાય છે સૂરજ
બંધ કરી લો તો પણ ‘ઘાયલ'
આંખ મહીં ડોકાય છે સૂરજ
<div class="wst-center tiInherit " Lua error: Cannot create process: proc_open(): Unable to create pipe Too many open files> (આઠોં જામ ખુમારી, પૃ. ૬૪૨)