બાળ કાવ્ય સંપદા/બનું !
બનું !
લેખક : હેમેન શાહ
(1957)
<div class="wst-center tiInherit " Lua error: Cannot create process: proc_open(/dev/null): Failed to open stream: Operation not permitted>
કાગળના પ્લેનનો પાઈલટ બનું
કોઈ ચીતરેલા વહાણનો ખલાસી,
શાવરની નીચે હું મહેફિલ જમાવીને
ગાતો રહું ભીમપલાસી.
ઘરની આ ગલીઓમાં લાઈસન્સ વગર
હું મસ્તીથી મોટર ચલાવું,
કોઈ ના હોય ત્યારે ડાઈનિંગ ટેબલની ઉપર
કેટલાયે ઘોડા દોડાવું.
દીવાલો પહાડ અને છતનું આકાશ હોય
એવા મુલકનો રહેવાસી.
નાટક કરવું એ તો ખાવાનો ખેલ
હસું કે કરું હું મોઢું વીલું,
આયનાને સ્ટાઈલથી મારું સલામ
અને સામી સલામ એની ઝીલું,
પહેલાં બનું હું અકડતો ‘બોસ’
પછી બનતો ગભરાતો ચપરાસી.