બાળ કાવ્ય સંપદા/ચબૂતરો (૨)

ચબૂતરો

લેખક : અનિલ રાવલ
(1964)

ગામની વચ્ચે ઊભો છે, કેવો મજાનો ચબૂતરો !
પંખીઓની સભા મળે, કેવો મજાનો ચબૂતરો !

બીક વિના પંખીડાં આવે, કેવો મજાનો ચબૂતરો !
કોઈ એમને ના ઉડાડે, કેવો મજાનો ચબૂતરો !

રોજ અવાજનાં ફૂલો ઊગે, કેવો મજાનો ચબૂતરો !
રંગોની જાજમ મજાની, કેવો મજાનો ચબૂતરો !

પંખોઓનો દરિયો ઊમટે, કેવો મજાનો ચબૂતરો !
ખૂબ મજાનો કિનારો છે, કેવો મજાનો ચબૂતરો !

રોજ નાંખતા દાણા ત્યાં, કેવો મજાનો ચબૂતરો !
જીવદયાનો સંદેશો છે, કેવો મજાનો ચબૂતરો !