બાળ કાવ્ય સંપદા/કુતૂહલ
કુતૂહલ
કવિ : હરીશ પંડ્યા
(1946)
<div class="wst-center tiInherit " Lua error: Cannot create process: proc_open(/dev/null): Failed to open stream: Operation not permitted>
વાદળમાં કોણ ભરતું પાણી,
હોડીને કોણ જાતું તાણી.
સૂરજને કોણ કહેતું-જાગ !
તિમિરને કોણ કહેતું-ભાગ !
ફૂલોમાં કોણ ભરે સુગંધ,
ભ્રમરને કોણ કરતું અંધ.
વાંસવને કોણ ગાતું ગીત,
જળને કોણ શીખવે સંગીત.
બીજને કોણ બનાવે ઝાડ,
ખીણ ત્યાં કોણ રચતું પહાડ.