મર્મર/ગ્રીષ્મ–મધ્યાહ્ન
Jump to navigation
Jump to search
(૧)
ગ્રીષ્મ–મધ્યાહ્ન
ગ્રીષ્મ–મધ્યાહ્ન
શો દીધું આ સમય : ગ્રીષ્મ તણો બપોર!
જાણે પ્રયોજન વિનાની પ્રલંબ કે વાણી
કે વૃદ્ધ આયખું રહ્યો અસહાય તાણી;
શો કુંભકર્ણ દિન ! આળસુ ને નઠોર !
છાયા લીધી તરુવરે સઘળી સમેટી,
ને ગૌર ગર્દભ સમો ધૂળમાં ધીખેલી
કેવો નિરાંતથી પડ્યો તડકો છ લેટી!
શાં ચિત્રમૂક ખગ – ચાંચ છતાં ખૂલેલી!
ઊની ઊની ય લહરી કહીં વાયુની છે?
લાગે હવે અવધિ છેલ્લી જ આયુની છે.
જાણે પૃથા ઉદધિમાં ફરી એક વાર
ડૂબી ગઈ–શી દહતી વડવાની ઝાળ!
પૃથ્વી દઝાતી રહી ઉત્સુક દેખી રાહ :
આવે સમુદ્ધરણ અર્થ મહાવરાહ.