બાળ કાવ્ય સંપદા/મોગરાની માળ
મોગરાની માળ
લેખક : દેશળજી પરમાર
(1894-1966)
<div class="wst-center tiInherit " Lua error: Cannot create process: proc_open(/dev/null): Failed to open stream: Operation not permitted>
મોગરાની માળ, મારી મોગરાની માળ,
નાની રસાળ, મારી મોગરાની માળ.
બહેને વીણેલ કળી
બાએ ગૂંથેલ વળી
કંઠે લટકંત મારી મોગરાની માળ,
મોગરાની માળ, મારી મોગરાની માળ
આમ ફરે, તેમ ફરે,
ચકર ચકર ફૂદડી લે.
તૂટી તૂટી શું મારી મોગરાની માળ,
દેવ તણે ચરણે મારી મોગરાની માળ.