બાળ કાવ્ય સંપદા/મલકું છું !
મલકું છું !
લેખક : યોસેફ મેકવાન
(1940-2021)
<div class="wst-center tiInherit " Lua error: Cannot create process: proc_open(/dev/null): Failed to open stream: Operation not permitted>
હું ચાંદને જોઈને ઝલકું છું
ને દરિયાનાં જલ પર છલકું છું !
હું વાદળની સંગે સરકું છું
ને આભની પાળે અડકું છું !
હું ઝાડને જોઈને ફરકું છું
ને ફૂલોની સંગે મરકું છું !
હું વાયુની લહેરમાં લસરું છું
ને મ્હેંક મ્હેંક થઈને પમરું છું !
હું પપ્પાને જોઈને હરખું છું
પણ મમ્મીની આંખે મલકું છું !