કાવ્ય-આચમન શ્રેણી – સુરેશ દલાલ/પંથ એક ફૂટ્યો
૨૦. પંથ એક ફૂટ્યો
મારા પગલાથી પંથ એક ફૂટ્યો
કે પંથમાં પગલાં બંધાયાં, હું છૂટ્યો!
વાસંતી વાયરે પાંદડાંની જેમ જોયો
પંખીની પાંખોનો કંપ;
ઊડતા એ ટહુકાઓ આકાશે ઊઘડે
તારલિયા થઈને અનંત.
મેં તો મૌન મહીં ટહુકો એક ઘૂંટ્યો
કે પંથમાં પગલાં બંધાયાં, હું છૂટ્યો!
વાદળના વણઝારા સૂરજને આવડે છે
શેવાળે સ્હેલવાની રીત;
સૂરજમુખીનું મુખ ઊંચું કરીને સ્હેજ :
જળમાં જઈ રેલે છે પ્રીત.
ચાંદ જરા જળમાં ડૂબ્યો ને નભે ઊગ્યો
કે પંથમાં પગલાં બંધાયાં, હું છૂટ્યો!
<div class="wst-center tiInherit " Lua error: Cannot create process: proc_open(/dev/null): Failed to open stream: Operation not permitted> ૧૯૬૯(કાવ્યસૃષ્ટિ, પૃ. ૯૪)