કાવ્ય-આચમન શ્રેણી – સુરેશ દલાલ/અમને તડકો આપો
Jump to navigation
Jump to search
૩૨. અમને તડકો આપો
કાળા કાળા અંધકારની સડકો પાડે સાદ :
અમને તડકો આપો;
અમે કાચબા જેવા : અમને સસલાં આવે યાદ :
અમને તડકો આપો!
તડકો ઝાડપાન પર ચળકે,
તડકો મોતી જેવું મલકે;
તડકો તરતો રહ્યો ઉમળકે.
તમે અમારી અડખેપડખે : પછી નથી ફરિયાદ :
અમને તડકો આપો!
તડકો વ્હાલો વ્હાલો લાગે,
જળમાં ખીલ્યો : સુંવાળો લાગે;
તડકો સાંજ સરે ને ભાગે.
સૂરજમુખીને હૈયે ગુંજે એક જ અનહદ નાદ :
અમને તડકો આપો!
<div class="wst-center tiInherit " Lua error: Cannot create process: proc_open(/dev/null): Failed to open stream: Operation not permitted> ૧૯૭૨(કાવ્યસૃષ્ટિ, પૃ. ૨૫૫)