બાળ કાવ્ય સંપદા/કાગડો કાળો કાળો
લેખક : હરિકૃષ્ણ પાઠક
(1938-2025)
<div class="wst-center tiInherit " Lua error: Cannot create process: proc_open(/dev/null): Failed to open stream: Operation not permitted>
મારે લીમડે કાગડાનો માળો,
કે કાગડો કાળો કાળો !
એના માળામાં ડાંખળાં ને ડાળો,
કે કાગળો કાળો કાળો !
મહીં મેલ્યાં છે એક-બે ઈંડાં,
કે કાગડો કાળો કાળો !
એમાં કોયલડી પાડતી છીંડાં,
કે કાગડો કાળો કાળો !
જુએ ત્રાંસું ને ઊડતોયે ત્રાંસો,
કે કાગડો કાળો કાળો !
ડોક રાખોડી ચળકે વાંસો,
કે કાગડો કાળો કાળો !
એની ચાંચોના ચાપડા ભારે,
કે કાગડો કાળો કાળો !
સ્હેજ છેડ્યો તો ફટ્ટ દઈ મારે,
કે કાગડો કાળો કાળો !
વળી ઠેકડો ઠેકડો ચાલે,
કે કાગડો કાળો કાળો !
ક્રાંઉ કરતો સવારને ઉજાળે,
કે કાગડો કાળો કાળો !
કદી કરતો શુકન કાગવાણી,
કે કાગડો કાળો કાળો !
નહીં શેરી એકેય તે અજાણી,
કે કાગડો કાળો કાળો !
એની પાક્કી છે સાવ ભાઈબંધી,
કે કાગડો કાળો કાળો !
ભલે રીત ને ભાત હોય ખંધી,
કે કાગડો કાળો કાળો !
એનાં બચ્ચાં છે ગોબરાં-ગંદાં,
કે કાગડો કાળો કાળો !
એ તો કરતો ફરેબ ને ફંદા,
કે કાગડો કાળો કાળો !