વરસાદ
લેખક : ભગીરથ બ્રહ્મભટ્ટ
(1954)
<div class="wst-center tiInherit " Lua error: Cannot create process: proc_open(): Unable to create pipe Too many open files>
મોરભાઈએ ઢોલક પીટ્યો વાદળને બોલાવ્યાં જી
વાદળ ભૈ તો ટૌકા સૂણી ફટાક હેઠે આવ્યાં જી
ચકીબેન તો બેડું લઈને
ભરવા ચાલ્યાં પાણી જી,
મેડકજીએ ચકીબેનની
હળવે પકડી પાનીજી.
ન્હાતાં ન્હાતાં મેડકરાજા નદી સાથે ભાગ્યા જી,
મોરભાઈના ટૌકા સૂણી વાદળ હેઠે આવ્યા જી.
મેઘસવારી દૂરથી દેખી
પંખીડાં સંતાયાં જી,
હરખપદૂડાં થઈને ખેડુ
આશાયે બંધાયા જી.
લીલાં લીલાં ખેતર ખેતર ગીત ખજાનાં ખુલ્યા જી.
મોરભાઈના ટૌકા સૂણી વાદળ હેઠે આવ્યા જી.