બાળ કાવ્ય સંપદા/ચૉકલેટનો બાગ
Jump to navigation
Jump to search
ચૉકલેટનો બાગ
લેખક : બિરેન પટેલ
(1987)
મારો મજાનો આખો ચૉકલેટનો બાગ,
ખુશીઓ અપાર આપે કોણ પડાવે ભાગ ?
ચૉકલેટના બાગમાં આઇસક્રીમના કૉન ઊગે,
ફૂલડાંને બદલે લોલીપોપ રોજ ખીલે,
જેલી ને જેમ્સમાં જોઉં કોણ પડાવે ભાગ ?
મારો મજાનો આખો ચૉકલેટનો બાગ.
બિસ્કિટનાં રમકડાં રમવાને રોજ મળે,
ઝાડવે ઝાડવે પીપરમિંટની લૂમ ઝૂલે,
ટૉફી ને પોપકોર્નમાં જોઉં કોણ પડાવે ભાગ ?
મારો મજાનો આખો ચૉકલેટનો બાગ.