બાળ કાવ્ય સંપદા/નિહાળ્યા કરું
નિહાળ્યા કરું
લેખક : ત્રિવેણી પંડ્યા
(1960)
<div class="wst-center tiInherit " Lua error: Cannot create process: proc_open(/dev/null): Failed to open stream: Operation not permitted>
પતંગિયાની પાંખે બેસી,
ઊંચે હું ઊડ્યા કરું;
ને રંગોની દુનિયાને,
રોજે નિહાળ્યા કરું.
ફૂલોના રંગોને હાથમાં લઈને,
ફૂલોની સુગંધને મુઠ્ઠીમાં ભરીને;
આવતા-જતા સહુ
લોકોને રંગ્યા કરું;
ને રંગોની દુનિયાને
રોજે નિહાળ્યા કરું.
પતંગિયાની પાંખ પર મમ્મીને લઈને,
પપ્પા, બહેની અને ભાઈને લઈને;
પરીઓના દેશમાં
મહેમાન હું બન્યા કરું;
ને રંગોની દુનિયાને
રોજે નિહાળ્યા કરું.
પતંગિયાની પાંખે બેસી,
ઊંચે હું ઊડ્યા કરું;
ને રંગોની દુનિયાને,
રોજે નિહાળ્યા કરું.