બાળ કાવ્ય સંપદા/મારી હોડી

‘મારી હોડી’

લેખક : સુધીર દેસાઈ
(1934 )

સાગરની આ ભરતી...
મારી હોડી જુઓ તરતી...

પહાડ સરીખાં મોજાંઓ ત્યાં
કરતાં દોટંદોટ;
સાગર જાણે ખોલે મોઢું
ખૂલતા એના હોટ.
હોડી નાની તોયે સરતી...

ઓટને ટાણે રેતીમાં,
શંખલાં છીપલાં મળતાં;
ગલપંખી ને ગોકળગાયનાં
પગલાં એમાં ભળતાં.
હોડી કિનારે લાંગરતી...

દેશદેશનાં વહાણો સાથે
તરતી મારી હોડી ;
સાત સમુંદર તરીને આવે
તોય પડે ના મોડી.
હોડી ભરતીમાં ફરફરતી....