મંગલમ્/નીલ ગગનના તારા
Jump to navigation
Jump to search
ચાલ્યા પૈદલ વિનોબા
નીલ ગગનના તારા
હો અમે નીલ ગગનના તારા
કાલાઘેલા, નાના નાના
સહુને મન વસનારા…હો અમે૦
ઊંચે ઊંચે આભલામાં સંપી જંપી રહીએ
અલક મલકની કોઈ દિ’ કેવી
વાતો રૂડી કરીએ,
અમે પલક પલક પલકીને કરીએ
પલક પલક પલકારા…હો અમે૦
ધરતી કેરાં બાલુડાંનાં હૈયે અમે તો વસીએ
ઝબકી ઝબકી મીઠું મલકી
અમે તો વહાલાં હસીએ,
અમે ટીમ ટીમ ટીમક ટીમ ટીમ ટીમક
ટીમ ટીમ ટીમક કરનારા…હો અમે૦