બાળ કાવ્ય સંપદા/તરાપો
તરાપો
લેખક : ‘સ્નેહરશ્મિ’ ઝીણાભાઈ રતનજી દેસાઈ
(1903-1991)
<div class="wst-center tiInherit " Lua error: Cannot create process: proc_open(/dev/null): Failed to open stream: Operation not permitted>
રમતો રમતો જાય,
તરાપો રમતો રમતો જાય !
જોતાં એને બેઉ કિનારે
કુંજો લીલી થાય !
કરતાં એનો સાથ પંખીડાં
ગીત મધુરાં ગાય,
તરાપો નદીમાં વહેતો જાય.
આવે કરવા સહેલ તરાપે
સમીર ફોરાં સાથ,
જોવા એને અગણિત તારા
પલકે આખી રાત !
તરાપો ગાતો ગાતો જાય !
આથમણા ઘાટેથી નીકળ્યો,
ઉગમણે દેખાય,
અલકમલકથી આવી એ તો
અલકમલકમાં જાય !
તરાપો હેરિયાં લેતો જાય,
તરાપો રમતો રમતો જાય !