બરફનાં પંખી/ઝીણાં ઝીણાં
ઝીણાં ઝીણાં
ઝીણાં ઝીણાં રે આંકેથી અમને ચાળિયા
કાયા લોટ થઈને ઊડી
માયા તોય હજી ના છૂટી
ડંખે સૂની મેડી ને સૂનાં જાળિયાં!
સૂની ડેલીને જોઈ પૂછશો ન કોઈ કે અવસરિયાં કેમ નથી આવતા
પાંદડું તૂટે તો લોહી નીકળશે ડાળને એટલે તોરણ નથી બાંધતા
છાપરે ચડીને મારું જીવતર બોલે તો ઈ ને કાગડો જાણીને મા ઉડાડજો
કાયાની પૂણીમાંથી નીકળે જે તાર ઈને ખાંપણ લગીરે કોઈ પૂગાડજો
ઝીણાં ઝીણાં.......
એક રે સળીને ચકલી માળો માને તો ઈને રોકી શકાય નહીં
ઈરે માળામાં કોઈ ઈંડું મૂકે તો ઈને ફોડી શકાય નહીં
ઝીણાં ઝીણાં......
<div class="wst-center tiInherit " Lua error: Cannot create process: proc_open(): Unable to create pipe Too many open files> ***