મંગલમ્/સુવાસને સમદરિયે

સુવાસને સમદરિયે

---

卐

સુવાસને સમદરિયે
卐

---

સુવાસને સમદરિયે બુલ બુલ,
તારી ગીત-નૌકા સરવા દે સ૨વા દે,

થયું રે ઉપવન ઉદધિ ગહન,
કલિકુસુમ સહુ બન્યાં રતન,
શીતલ શીતલ વહ્યો પવન,
⁠પ્રફુલ્લ હૈયે તરવા દે તરવા દે. — સુવાસ૦

નહીં વમળ મઝધાર,
નહીં છૂપેલી ખડકોની વણઝાર,
સુખ ભર કેવો સરલ વિહાર,
⁠મનડાને ના ડરવા દે ડરવા દે. — સુવાસ૦

લાંગર્યું પ્રેમ તણે ઓવારે,
ઉર ઉર તણા પગથારે,
તારી સ્વર નૈયાને આજે
⁠વ્યથા જિગરની હરવા દે હરવા દે. — સુવાસ૦