બાળ કાવ્ય સંપદા/પરપોટો (૨)
Jump to navigation
Jump to search
પરપોટો
લેખક : કરસનદાસ લુહાર
(1942)
<div class="wst-center tiInherit " Lua error: Cannot create process: proc_open(): Unable to create pipe Too many open files>
જળમાં જાગ્યો પરપોટો
જાણે ખીલ્યો ગલગોટો !
પરપોટો તો તડકાયો,
તડકે તબકી મલકાયો.
પરપોટો તો જળજળ જળજળ,
પરપોટો તો ઝળહળ ઝળહળ !
પરપોટો પાણીનો કાચ,
એવું લાગે સાચોસાચ.
ને પરપોટો પોલો,
જોવા આવ્યો હોલો !
હોલાને તો અચરજ થાય,
પાણીમાં આ શું દેખાય ?
હોલે મારી ચાંચ,
ફૂટ્યો જળનો કાચ.
પરપોટો પાણીમાં ગુમ,
હોલો કરતો બૂમાબૂમ !