બાળ કાવ્ય સંપદા/વરસાદી તડકો
Jump to navigation
Jump to search
વરસાદી તડકો
લેખક : યોસેફ મેકવાન
(1940-2021)
<div class="wst-center tiInherit " Lua error: Cannot create process: proc_open(): Unable to create pipe Too many open files>
વરસાદી ફરફરમાં તડકો નીકળ્યો
તડકો જોવા આવો રે !
પંખીના કલરવને ટહુકારે નીતર્યો
તડકો જોવા આવો રે
પાતળા પવનની પાલખી પર આવ્યો
તડકો જોવા આવો રે
મેઘધનુષી રે સપનાં કૈં લાવ્યો
તડકો જોવા આવો રે
લીલુડા ઝાડમાં આછેરું ફરક્યો
તડકો જોવા આવો રે
ઘરના તે છાપરેથી ચોકમાં લપસ્યો
તડકો ઝીલવા આવો રે
કાળી ભીંજેલી સડકો ૫૨ મલક્યો
તડકો ઝીલવા આવો રે
ખાડા ખૈયાનાં પાણીમાં હરખ્યો
તડકો જોવા આવો રે
તડકો તે તડકો વરસાદી તડકો
અડકો-દડકો રમતો રે
સુંવાળા સસલા શો સરકે, – તડકો,
અડકો-દડકો રમતો રે