બાળ કાવ્ય સંપદા/ચાંદલો ગમે

ચાંદલો ગમે

લેખક : ભાનુભાઈ પંડ્યા
(1923)

મને આભલે ચમકતો ચાંદલો ગમે,
એની આસપાસ નાના-મોટા તારા રમે... મને.
મને શિયાળે સૂરજનો તડકો ગમે,
એની આસપાસ મારો પડછાયો રમે... મને.
મને ઉનાળે સંધ્યાની સોબત ગમે,
એની આસપાસ લાલ પીળા રંગો રમે... ⁠મને.
મને ચોમાસે વીજના ચમકારા ગમે,
એની આસપાસ ઘનઘોર વાદળ રમે... મને.
મને ધરતીના ખોળે ઊગ્યા છોડવા ગમે,
એની આસપાસ પાંદડાં ને ફૂલો રમે... મને.
મને માનવ-મહેરામણના મેળા ગમે,
એની આસપાસ નાનાં-મોટાં છોરાં રમે... મને.