બરફનાં પંખી/ફેર
Jump to navigation
Jump to search
ફેર
આજ સુધી
પથ્થરના નાક પાસે
જૂઈના ફૂલ જેવી પરિસ્થિતિને
મેં તમે દીધેલા
સોગંદની જેમ પાળી છે.
આજ સુધી
મેં ગામડાંની ધૂળભરી શેરીમાં
ઊભાં ઊભાં
પુતનાના સ્તન જેવા
પૃથ્વીના ગોળાને
બરફના રંગીન ગોળાની જેમ
ચૂસ્યા કર્યો છે.
આજે
કોઈ તોફાને ભરાયેલું છોકરું
જીદે ચડીને
પાણીનો ગોળો ફોડી નાખે
એમ મેં મારા નસીબને ફોડી નાખ્યું
હવે
મારા તમારામાં
ફેર રહ્યો હોય તો
માત્ર આટલો જ.
હું દરિયો જોઉં છું
ને તમે પાણી.
<div class="wst-center tiInherit " Lua error: Cannot create process: proc_open(/dev/null): Failed to open stream: Operation not permitted> ***