મંગલમ્/તારી આશાની છાંયે

તારી આશાની છાંયે

તારી આશાને છાંયે જે કોઈ બેસે,
⁠તેને હરિ તું સંભાળજે રે! …તારી.

આકરા ઉનાળાની વેળુના તાપને,
⁠શિયાળુ ગીત તું ગવડાવજે રે! …તારી.

પાંખોમાં પાંખ મૂકી ઊડંતી વાદળીમાં,
⁠વીજળીને તું ચમકાવજે રે …તારી.

થાકેલી નદીઓ કેરાં નીંદરતાં નીરને,
અધરાતે તું ઝબકાવજે રે
⁠મધરાતે તું ઝબકાવજે રે …તારી.

આંખલડી બંધ છતાં અજવાળું શોધવા,
⁠લાકડી બનીને બાપુ, તું આવજે રે …તારી.

— ઇન્દુલાલ ગાંધી