ધ્વનિ/પ્રેમના મંત્રનું કૈંક ગુંજન

પ્રેમના મંત્રનું કૈંક ગુંજન

પુ.⁠પ્રેમના મંત્રનું કૈંક ગુંજન કીધું,
⁠મુગ્ધ વનહરણ જેવી
⁠તું મારી કને
⁠શાન્ત નત-નેત્ર આવી ઉભી
⁠વિવશ તું,
⁠લુબ્ધ મેં એક ચુંબન લીધું.
સ્ત્રી.⁠નહિ, ને તેં લીધ પિયા!
⁠મેં જ કામણ કીધું.
⁠મારી સૌરભથી પરવશ બની
⁠ભ્રમર સમ
⁠તેં મને મુખનું અમૃત દીધું.}}
પુ.⁠મારી હતી લૂંટ-
સ્ત્રી.⁠મારે અમીઘૂંટ-
પુ.⁠મેં તો લીધી લ્હાણ.
સ્ત્રી.⁠કે તેં દીધું દાન?
પુ.⁠પ્રિય! કર્ગને અનુસરે ફલ.
સ્ત્રી.⁠નહિ નિયતિનો પ્રેમને મંદિરે અમલ.
⁠જ્યાં આપવું-
પુ.⁠એસી અદકેરું તો પામવું .....
⁠ને નહિ કાલનો લેશ વ્યતિક્રમ!
⁠સ્ત્રી. કશું ઉત્તમ!

<div class="wst-center tiInherit " > ***

⁠ને ફરી મુગ્ધ
⁠મન ઉભયનાં
⁠અધરનાં પાનમહિં લુબ્ધ.
૧૮-૩-૫૧