રામચન્દ્ર પટેલની કવિતા/એવો રે અંધકાર

એવો રે અંધકાર

એવો રે અંધકાર કોણે ચીતર્યો?
માંહ્ય ચણી ચણોઠિયાંની જાળી રે...

મહેલ-દરવાજે કાળો ઘોડો હણહણ્યો⁠
⁠બેઠો વિક્રમ થઈ અસવાર રે
ઢાલ-તલવાર પડી રહ્યાં ચોકમાં
⁠ઉજ્જૈનમાં છવાયો ભેંકાર રે
એવો રે અંધકાર...

ઘરના આંગણે ગગડ્યાં નગારાં
⁠તૂટ્યા મહેલ-મિનારા રે
કાશીની જાત્રાએ ઊપડ્યો જોગટો
⁠જાગ્યા મસાણ ગભારા રે,
એવો રે અંધકાર...

પવન પોટકું પા-શેર ભારનું
⁠ઝાકળ ઢાંકી કાયા રે.
ભરબજારથી ઊડ્યો આગિયો
⁠શ્વાસમાં જડ્યા પડછાયા રે,
એવો રે અંધકાર...