બાળ કાવ્ય સંપદા/સૌને ગમે (૩)

અ. ધ... ધ... સપનાં...

લેખક : દાદુ રબારી
(1962)

સૌને ગમે
મારા આંગણામાં આવી મોરલો રમે,
એને સોનેરી પાંખ,
એને રૂપેરી આંખ,
એ તો છૂમ છૂમ નાચતો સૌને ગમે
મારા લીમડાની ડાળે કોયલ રમે,
એને કાળો છે રંગ,
એને મીઠો છે કંઠ,
એ તો કૂ... ઉ... કૂ... ઉ... બોલતી સૌને ગમે.
મારા બારણામાં આવી ચકલી રમે,
એને નાની છે આંખ,
એને ઝીણી છે ચાંચ,
એ તો ટોડલે ઠેકતી સૌને ગમે.
મારા પારણામાં બેઠી બબલી હસે,
માથે થોડા છે બાલ*
એને ગોરા છે ગાલ,
એ તો ખી ખી હસતી સૌને ગમે.