બાળ કાવ્ય સંપદા/બાળ રૂપાળાં હોં !

બાળ રૂપાળાં હો !

લેખક : રમણલાલ વ્યાસ
(1921)

⁠અમે તો બાળ રૂપાળાં હો !
⁠અમે તો ઘર અજવાળાં હો !
રમતાં ગાતાં ગીતો ગમતાં સહુને કામણગારાં,
ગુલાબ જેવી લાલી, ફૂલડાં જેવી ફો૨મવાળાં,
⁠અમે તો ફૂલ સુંવાળાં હો !
⁠અમે તો બાળ રૂપાળાં હો !
ઝરણાં જેવા હસતાં, 'કલ કલ' ગાતાં પંખી જેવાં,
પવન સમા ફરતા છુટ્ટા ત્યાં ડર કે ભય તે કેવાં ?
⁠અમે સૌ આશાવાળા હોઃ
⁠અમે તો બાળ રૂપાળાં હો.
અંતરમાં તો હોંશ હમેશાં ચેતન જોમ ફુવારા,
મુક્ત બનીને મુક્ત રહીશું ભાવો એ જ અમારા.
⁠અમારા મસ્ત ઉછાળા હો !
⁠અમે તો બાળ રૂપાળાં હો !