મંગલમ્/મને ફાગણનું

મને ફાગણનું

હો મને ફાગણનું એક ફૂલ આપો કે લાલ મોરા,
⁠કેસૂડો કામણગારો જી હો!

⁠વનની વાટે તે વા’લા એક ફૂલ દીઠું,
⁠એકલ કો’ડાળે એક એકલડું મીઠું,
મેં તો દીઠું, દીઠું ને મન મોહ્યું કે લાલ મોરા! કેસૂડો…

⁠ઉત્તરના વાયરાએ ઢંઢોળ્યાં વન,
⁠જાગી વસંત કૈંક જાગ્યાં જીવન,
મેં તો સુખડાંની સેજ તજી જોયું, કે લાલ મોરા! કેસૂડો…

⁠રૂપલિયા વાટ મારી, રૂપલિયા આશ,
⁠સોનલ સૂરજ તારા સોનલ ઉજાસ,
તારી વેણુમાં વેણ મેં પરોવ્યું, કે લાલ મોરા! કેસૂડો…


— સુંદરમ્