મંગલમ્/મારું વતન

મારું વતન

મારું વતન આ મારું વતન હાં,
⁠વ્હાલું વ્હાલું મને મારું વતન હાં.
જેની માટીની મારી કાયા ઘડેલી
⁠તેને કરું હું કોટિ કોટિ નમન હાં…વ્હાલું૦
રાણા પ્રતાપ ને શિવાજી શૂરવીર,
⁠મારા વતનનાં એ મોંઘાં રતન હાં…વ્હાલું૦
લાલ અને બાલ વળી દાદા ને દાસજી,
⁠જેણે સમર્પ્યાં છે સારાં જીવન હાં…વ્હાલું૦
ગાંધી બાપુને હૈયે વસ્યું જે,
⁠સંસારસાર ને જીવનધન હાં…વ્હાલું૦
વ્હાલા વતનની બેડીને તોડવા,
⁠હોંશે ઓવારું હું તન મન ધન હાં…વ્હાલું૦