મધ્યકાલીન ગુજરાતી કાવ્યસંપદા /રવિસાહેબ પદ ૫

પદ ૫

રવિસાહેબ

રવિએ રમતાં દીઠો રે...
રવિએ રમતાં દીઠો રે,
બાવો છે ઝીણો, છે ઝીણો.
લીલો ને પીળો, લાલ બેરંગી,
સફેદથી રંગ સારો,
એ પંખીડાને પાંખ જ નહિ
ચૌદ ભુવનથી ન્યારો.          – બાવો
આગળ છાંયો ને પાછળ છાંયો,
એ છાંયો છે તમારો,
એ છાંયામાં છુપાઈ રિયો,
છાંયાથી સતગરુ ન્યારો          –બાવો

આપેં બાવો આપ સ્વરૂપી
ઝીણા માંહેલો ઝીણો,
કુંવર પોઢ્યા ઢોલિયે રે
સહેજે તાળાં ખોલો          – બાવો

જળ થળ પવન ને પ્રથવી,
ઠામ નહિ કોઈ ઠાલો,
કહે રવિરામ સંતો ભાણ પ્રતાપે
બાવન અક્ષરથી બારો
બાવો છે ઝીણો, છે ઝીણો.