View source for હયાતી/૪૪. જાગ્યા કરું

{{SetTitle}}

{{Heading|૪૪. જાગ્યા કરું}}

{{Block center|<poem>
તારી યાદ આવે અને હું રાતભર જાગ્યા કરું,
કઈ હવા લઈ આવશે તારી ખબર? જાગ્યા કરું.

એ વિમાસણ છે કે તારી આંખ મીંચાતી હશે?
ઘેનમાં જ્યારે છે આ આખું નગર, જાગ્યા કરું.

ના મિલનનો કોલ છે કે ના વિરહની વેદના,
આ તે કેવું છે કે હું કારણ વગર જાગ્યા કરું.

‘કેમ ચાલે છે?’ ‘બધું સારું છે’ કહી છૂટાં પડ્યાં,
આ અમસ્તી વાતની કેવી અસર, જાગ્યા કરું.

રાતના સૂરજ ઊગે તો કંઈકે શોષાઈ શકે,
આંખ ઝાકળથી થઈ છે તરબતર, જાગ્યા કરું.

{{Right|૧–૮–૧૯૭૧ }}</poem>}}
<br>
{{HeaderNav2
|previous = ૪૩. થવાની વાત
|next = ૪૫. માફક હવા નથી
}}