View source for હયાતી/૩૬. રસ્તા ઉપર મળ્યા

{{SetTitle}}

{{Heading|૩૬. રસ્તા ઉપર મળ્યા }}

{{Block center|<poem>
ચહેરા મઝાના કેટલા રસ્તા ઉપર મળ્યા,
સાચું કહું કે એ બધા રસ્તા ઉપર મળ્યા.

મારો પ્રવાસ મારી રીતે ના થઈ શક્યો,
કૈં કેટલાયે કાફલા રસ્તા ઉપર મળ્યા.

બે ચાર વાત દિલની કદી ના થઈ શકી,
લાગે છે એમ, એ સદા રસ્તા ઉપર મળ્યા.

રસ્તો હવે ન સૂઝે, ન આગળ વધે ચરણ,
આ તે કહો તમે ક્યા રસ્તા ઉપર મળ્યા?

એથી તો મારો રાહ સરળ થઈ ગયો બધે,
રસ્તા મને ઘણાબધા રસ્તા ઉપર મળ્યા.

{{Right|૬–૩–૧૯૭૦}}</poem>}}
<br>
{{HeaderNav2
|previous = ૩૫. સમયની સાથે
|next = ૩૭. આવી જાઉં તો
}}