View source for હયાતી/૧૪. તમે કાલે નૈ તો

{{SetTitle}}

{{Heading| ૧૪. તમે કાલે નૈ તો  |  }}

{{center|<poem>
તમે કાલે નૈ તો પરમદિવસે તો અહીં હશો,
ઘણા દી’થી હૈયે ઘર કરતું એકાન્ત હરશો.

તમારું થાકેલું શિર હૃદય ધારીશ, પ્રિય, ને
મીંચાયેલાં નેત્રો પર કર પસારીશ હળવે;
વધેલી હૈયાની ધબક સુણી ખોલી દગ તમે
હસી આછું હૈયાસરસી મુજને સદ્ય ધરશો.

તમારી લાવેલી કુમળી કળીની વેણી સમ એ
નિશાએ હૈયાનાં દલ ઊઘડશે, અંતર જશે,
તમારા હોઠેથી સુરભિ લઈ અર્પીશ સુરખી,
સ્વયં વીંટાઈ હું જઈશ અથરો થૈ કર વિશે.

તમારા આશ્લેષે રજની ક્ષણમાંહે જ વીતશે,
પરંતુ આજે તો ક્ષણ પણ ન વીતે યમ કરી :
તમારાં સ્વપ્નોમાં શયન, સ્મરણે જાગૃત બનું
હશો કાલે નૈ તો પરમદિન, આજે ટળવળું.

{{Right |૧૯૬૧ }} <br>
</poem>}}

<br>
<hr>
<br>
{{HeaderNav2
|previous = ૧૩. ઉખાણું
|next = ૧૫. ખ્યાલ પણ નથી
}}
<br>