View source for ગાતાં ઝરણાં/મન, ગાજે!

{{SetTitle}}

<center><big><big><big>'''મન, ગાજે!'''</big></big></big></center>


{{Block center|<poem>
મન, ગાજે! મન, ગાજે! એક્ ગીત મધુરું આજે. 
યુગયુગના વિનવેલ અતિથિ
આવ્યા તુજ દરવાજે,
મન, ગાજે! મન, ગાજે!...

ઝરણું ગાતાં, નદીઓ ગાતી; કોકિલ ગાતી કુંજે, 
એવે ટાણે છાનાં રહેવું
આ૫ણને નહિ છાજે,
મન, ગાજે! મન, ગાજે!...

ચંદ્ર-સૂરજના મંજીરાઓ અળગા રહીને રણકે, 
પૂરવ-પશ્ચિમની કરતાલો
દૂર રહીને બાજે,
મન, ગાજે! મન, ગાજે!...

ગીત સુણી નાસે અંધારાં, જીવન-જ્યોત પ્રકાશે, 
ખુદ તારા ઉત્કર્ષને માટે,
મારી મુક્તિ કાજે,
મન, ગાજે! મન, ગાજે!...

રાત-દિવસ આ શ્વાસ-સિતારી સાજ સનાતન તારો, 
સોહમ ગાતાં તાર તૂટે ત્યાં
હોંશે પોઢી જાજે,
મન, ગાજે! મન, ગાજે!...

૩૧-૮-૧૯૫૨
</poem>
}}
<br>
{{HeaderNav2
|previous = મારા નિવેદનથી
|next = ભિખારણનું ગીત
}}